Máskeýdegi poıyz apatynan zardap shekkenderdiń arasynda sheteldikter bar
ASTANA. QazAqparat - Máskeýdegi poıyz soqtyǵysynan zardap shekkenderdiń arasynda Reseı azamattarynan bólek, sheteldikter de bar, dep habarlaıdy TASS agenttigi.
Eske sala ketsek, jeksenbige qaraǵan túni Máskeýdiń batysyndaǵy Fılevskıı parki aýdanynda Kýntsevo-Fılı temir jol ótkelinde Máskeý-Brest jolaýshylar poıyzy Máskeý-Ýsovo qala mańy poıyzymen soqtyǵysqan. Medıtsınalyq kómekke 50 adam júgingen, olardyń 12-si aýrýhanaǵa jatqyzyldy.
TJM basshysy Vladımır Pýchkovtyń aıtýynsha, zardap shekkender arasynda reseılikterden bólek, ózge el azamattary da bar.
Aldyn ala boljam boıynsha, Máskeý ýaqytymen 22:16-da elektr poıyzynyń mashınısi temirjoldy kese júgirip ótken adamdy basyp ketpeý úshin shuǵyl tejegishti basqan. Saldarynan elektr júıesiniń tejeýish júıesiniń qalypty jumysy buzylǵan.
Qala mańy poıyzynyń artynan kele jatqan Máskeý-Brest jolaýshylar poıyzy da shuǵyl tejeýishti basqan. Biraq, aralyq óte qysqa bolyp, eki poıyz soqtyǵysty jáne elektr poıyzynyń tórt vagony, jolaýshylar poıyzynyń lokomotıv bóligi relsten shyǵyp ketti.
Reseı prezıdenti Vladımır Pýtın apat saldaryn joıýǵa arnalǵan barlyq qajetti sharany jasaýdy tapsyrdy, dep habarlady memleket basshysynyń baspasóz hatshysy Dmıtrıı Peskov.
