Máskeýdegi metroda jarylys boldy
ASTANA. QazAqparat - Máskeý metrosynyń «Kolomenskaıa» stantsııasynda jarylys boldy. Onyń saldarynan jeti adam zardap shekti, dep jazady life.ru.
Kýágerlerdiń aıtýynsha, jóndeý jumystary kezinde gaz ballony jarylǵan. Sonyń saldarynan barlyq jerdi tútin basty. Oqıǵa oryn alǵan jerge medıkter men quqyq qorǵaý organdarynyń qyzmetkerleri keldi.
Memlekettik tergeý basqarmasynyń tergeýshileri jaǵdaıǵa baılanysty tekserý jumystaryn júrgizýde. Aldyn ala derekter boıynsha, «Rost-E» AQQ fırmasynyń jumysshylary dánekerleý kezinde gaz ballonyn zaqymdap alǵan. Sondaı-aq, qurylysshylar stansa qyzmetkerlerine josparlanǵan jumystar tizimin bermegen.
«Kolomenskaıa» stansasyndaǵy gaz dánekerleý jumystary týraly da habarlanbaǵan. Máskeý metropolıteniniń basshysy Dmıtrıı Pegovtyń málimdeýinshe, «Kolomenskaıa» stansasynyń jóndeý jumystaryn júrgizetin kompanııa ýaqytsha jobadan shettetildi.
