Máskeýdegi meshitte sańyraýlarǵa arnalǵan kýrs ashyldy
ASTANA. 20 jeltoqsan. QazAqparat - Máskeýdiń Poklonnaıa gora jazyǵyndaǵy memorıaldy meshitinde qulaǵy estimeıtinderge arnaıy kýrstar ashyldy.
Kýrs uıymdastyrýshylary aldaǵy ýaqytta meshittegi ýaǵyz-nasıhattar sýrdoaýdarmamen qosa júrgizilýin qalaıdy, dep habarlaıdy muslim.kz.
Sańyraýlarǵa arnalǵan kýrs ashý sýrdoaýdarmashy Jámılá Zenınanyń ıdeıasy edi.
«Tanystarymnyń kópshiligi qulaǵy estimeıtin sańyraýlar. Olar meni shirkeýde, sınagogda, meshitte júrgiziletin ýaǵyzdardy aýdarýǵa shaqyrady», - deıdi Jámılá. Musylman bolǵandyqtan Jámılá óziniń qabiletin meshitte sarqyǵanyn qalap, ıslam kýrsyn ashady. Bastapqyda dinı biliminiń joqtyǵy men arnaıy orynnyń bolmaýy birshama qıyndyqtar týǵyzǵan.
2012 jyldyń kókteminde Jámılá Máskeý Islam ýnıversıtetin bitirip, biraz ýaqyt sańyraý jáne mylqaýlar uıymynda volonterlik qyzmette kelgen ıÝlııa Zamaletdınovamen tanysady. Ekeýi Poklonnaıa gora meshitiniń janyndaǵy medrese dırektorymen kýrs ashý jaıynda kelisedi.
Qazannan bastap estý jáne sóıleý kemistigi bar musylmandar ıslam jáne arab tilin oqı bastady. Bularǵa kóp uzamaı sańyraýlar otbasynda dúnıege kelgen Aısha Kárimova qosylady. Aıshanyń qulaǵy estıdi, tili de bar, ym-ısharat tilin jaqsy meńgergen.
Kýrs jeksenbi kúnderi ótedi. Ázirge on shaqty adam qatysyp júr.
