Máskeýdegi Kýtýzov dańǵylynda bolǵan jol apaty bes adamnyń ómirin qıdy
ASTANA. QazAqparat - Senbige qaraǵan túni Máskeýdegi Kýtýzov dańǵylynda oryn alǵan jol apatynyń saldarynan bes adam qaza tapty.
Bul týraly TASS agenttigine astanalyq polıtsııanyń baspasóz qyzmetinen habarlady.
Hyundai jáne BMW kólikteriniń soqtyǵysýy Kýtýzov dańǵylyndaǵy 24-shi úıdiń janynda shamamen túngi saǵat 2-de oryn aldy. Apat saldarynan bes adam mert bolyp, taǵy bireýi jaraqattandy», - dep málim etti baspasóz qyzmetinen.
Tótenshe oqıǵa ornynda jol-patrýldik qyzmetkerler jumys isteýde. Apattyń bolýy sebepteri anyqtalýda.
