Máskeýdegi qazaqtar aýyzashar berdi
ASTANA. QazAqparat - 2 mıllıonnan asa musylmany bar Máskeý qalasy da, qasıetti Ramazan aıyn laıyqty ótkizip jatyr. Reseıdiń bas shaharynda, birneshe jyldan beri tegin aýyzashar berilip keledi, dep habarlaıdy «Qazaqstan» ulttyq arnasy.
«Ramazan shatyry» dep atalatyn qaıyrymdylyq sharasy kezinde, alyp megapolıstegi túrli ult pen ulystyń ókilderi kún saıyn, kezek-kezek basqosý uıymdastyrady. Máskeýdegi mundaı aýyzashardyń ótip jatqanyna bıyl 9 jyl boldy. Jyldaǵy dástúrge saı, bıyl da memorıaldy meshittiń janynan 500 adamdyq Ramazan shatyry tigildi. Bul - túrli ult pen din ókilderiniń basyn qosatyn berekeli jer. Reseı astanasyndaǵy jalpy halyqtyń, nebári 0,1 paıyzyn ǵana quraıtyn qazaq dıasporasy da, bul saýapty iske belsene qatysýda. Qazaqtar jaıǵan dastarqanǵa jurt kóp keldi. Kesh barysynda ýaǵyz aıtylyp, Quran oqyldy. Sodan soń halyq ánderimiz shyrqalyp, elordamyz Astana týraly fılm kórsetildi. Sebebi, qandastarymyz qaıda júrse de, qazaqtyń qamyn oılaıdy. Ramazan shatyry - Reseı múftıler keńesi men Máskeý úkimeti birlesip qolǵa alǵan joba. Osy aıdyń sońyna deıin, bul jerge barlyǵy 15 myńnan asa adam kelip aýyz ashady.
