Máskeýdegi qazaqstandyq stýdentter analaryna hat joldady
MÁSKEÝ. QazAqparat - Máskeýdegi qazaqstandyq stýdentter 8 naýryz - halyqaralyq áıelder merekesimen quttyqtap, analaryna degen ystyq yqylastary men meıirim-mahabbattary úshin alǵystaryn hat joldaý arqyly jetkizdi.
«Búgin Reseıde oqyp jatqan qazaqstandyq jastar 8 naýryz - halyqaralyq áıelder merekesi qarsańynda «Anaǵa hat» naýqanyn ótkizýde. Máskeýde bilim alyp jatqan árbir stýdent anasyn jáne týystaryna kóktem merekesimen quttyqtap, hat jaza alady», - dedi «Jas Tulpar» Reseıdegi qazaqstandyq stýdentter birlestiginiń tóraǵasy, Reseıdiń aýyl sharýashylyǵy jáne memlekettik qyzmet akademııasynyń (RANHıGS) magıstranty Muhtar Baımaǵulov.
«Aqparattyq tehnologııalar damyǵan zamanda árbir bala anasy men týystaryna degen ózderiniń mahabbattary men ystyq yqylastaryn hat jazý arqyly bildire alady», - dep atap ótti Muhtar Baımaǵulov.
Naýqandy ótkizýge Reseıdegi QR Elshiligi jáne Ekonomıka joǵary mektebi Ulttyq zertteý ýnıversıteti qoldaý bildirip otyr.
Osyndaı úlgidegi quttyqtaýdyń mańyzdylyǵy men ereksheligi týraly Qarjy ýnıversıtetiniń aspıranty Qymbat Qunanbaeva da aıtyp ótti.
«Aqparattyq tehnologııalar damyǵan zamanda ata-analarymyzǵa degen óz sezimderimizdi hat arqyly bildirý qalyp barady. Sondyqtan, men de súıikti anashyma hat jazýdy uıǵardym», - dep bólisti óz pikirimen Q. Qunanbaeva.
Naýqan aıasynda móldir mahabbat pen naǵyz dostyq týraly qazaqstandyq fılm kórsetilip, merekelik fýrshet uıymdastyryldy. 
