Máskeýdegi qazaq stýdentteri Elbasynyń «Uly dalanyń jeti qyry» maqalasyn talqylady
Dóńgelek ústel barysynda Qazaqstan Respýblıkasynyń Prezıdenti Nursultan Nazarbaevtyń «Uly dalanyń jeti qyry» atty baǵdarlamalyq maqalasynyń, «Bolashaqqa baǵdar: Rýhanı jańǵyrý» atty maqalasynyń, sonymen qatar olardy júzege asyrýdyń negizgi baǵyttaryn saralap, jan-jaqty talqyǵa saldy.
Shara qatysýshylarynyń paıymynsha, «qazaq joly» degen túsinik Memleket basshysynyń «Uly dalanyń jeti qyry», «Bolashaqqa baǵdar: Rýhanı jańǵyrý» atty maqalalaryna negiz bolyp otyr.
Pikirtalas barynsha qyzý ótti. Dóńgelek ústelge qatysýshylardyń barlyǵy da maqalalardaǵy negizgi basymdyqtarǵa qatysty pikirlerin bildirip, ony júzege asyrýǵa qatysty oılarymen bólisti.
RF Úkimetindegi Zańnama jáne salystyrmaly quqyqtaný ınstıtýtynyń doktoranty, zań ǵylymdarynyń kandıdaty Qazbek Dáýitálıevtiń atap ótýinshe, Memleket basshysynyń «Uly dalanyń jeti qyry», «Bolashaqqa baǵdar: Rýhanı jańǵyrý»atty maqalalarynda qazaq halqynyń álemdik tarıhtaǵy róli men ornyn aıyndaıtyn eń ózekti máseleler kóterilgen.
Esterińizge sala ketsek, 2018 jyldyń 21 qarashysynda Elbasy Nursultan Nazarbaevtyń «Uly dalanyń jeti qyry» atty maqalasy jarııalandy.
«Búginde tól tarıhymyzǵa oń kózqaras kerek. Biraq, qandaı da bir tarıhı oqıǵany tańdamaly jáne konıýnktýralyq turǵydan ǵana sıpattaýmen shektelýge bolmaıdy. Aq pen qara - bir-birinen ajyramaıtyn uǵymdar. Bular ózara birleskende jeke adamdardyń da, tutas halyqtardyń da ómirine qaıtalanbas reńk beredi. Bizdiń tarıhymyzda qasiretti sátter men qaıǵyly oqıǵalar, surapyl soǵystar men qaqtyǵystar, áleýmettik turǵydan qaýipti synaqtar men saıası qýǵyn-súrginder az bolmady. Muny umytýǵa haqymyz joq. Kópqyrly ári aýqymdy tarıhymyzdy durys túsinip, qabyldaı bilýimiz kerek», - dep atap ótedi Memleket basshysy.
Avtor: Medet Ahmetov
