Máskeýdegi qazaq dıasporasy Baýyrjan Momyshuly týraly jazylǵan «Ańyzǵa aınalǵan batyr» kitabynyń tusaýkeserin jasady

ASTANA. 20 sáýir. QazAqparat /Damır Baımanov/ - Máskeýdegi qazaq dıasporasy S.Nurmaǵambetov atyndaǵy «Jas Ulan» respýblıkalyq mektebinde Keńes Odaǵynyń Batyry, dańqty qolshbasshy Baýyrjan Momyshuly týraly jazylǵan «Ańyzǵa aınalǵan batyr» atty kitaptyń tusaýkeserin jasady.

Kitap B.Momyshulynyń 100 jyldyǵyna oraı «Eskertkish qory» Shyǵys Prýssııada qaza tapqan keńes áskerlerin eske alý qory» men qazaq metsenattarynyń qoldaýymen jaryqqa shyqty.

Búgin tańerteń reseılik delegatsııa Baýyrjan Momyshuly men Álııa Moldaǵulova eskertkishterine, sonymen qatar Astanadaǵy Otan qorǵaýshylar monýmentindegi Máńgilik alaýǵa gúl qoıý rásimine qatysty.