Máskeýdegi «Grand Slem» Álemdik týrynyń jarysynda qazaqstandyqtar óz tobynyń jeńimpazy atandy
ALMATY. 24 tamyz. QazAqparat - Jaǵajaı voleıbolynan «Grand Slem» Álemdik týrynyń Máskeýde ótip jatqan kezeńdik jarysyn ulttyq qurama úzdikteri negizgi kesteden bastaǵan bolatyn.
Sársenbi kúni bastalǵan bul saıysta Alekseı Sıdorenko men Aleksandr Dıachenko «V» tobynda baq synaǵan. Olar Chehııa jáne Brazılııa sportshylaryn 2:1, al reseılikterdi 2:0 esebimen utyp óz tobynyń jeńimpazy atandy. Al «S» tobynda óner kórsetken Tatıana Mashkova men Irına Tsımbalova brazılııalyqtardy 2:0 esebimen utqanymen, reseılikterge 1:2, avstralııalyqtarǵa 0:2 esebimen ese jiberdi. 25 tamyz kúni aıaqtalatyn bul dodada A. Sıdorenko men A. Dıachenkonyń júldeli oryndarǵa talasýǵa múmkindigi óte mol.
