Máskeýdegi daýyldan ajal qushqandardyń sany 17 adamǵa jetti
ASTANA. QazAqparat - Máskeýde 29 mamyrda bolǵan daýyldan keıin aýrýhanaǵa jetkizilgen er adam qaıtys boldy, dep habarlaıdy Máskeý úkimetiniń densaýlyq saqtaý departamentinen.
Aýrýhanada áli daýyldan zardap shekken segiz adam jatyr.
«Taǵy bir adam qaıtys boldy. Qazir aýrýhanada daýyldan zardap shekken segiz adam jatyr. Bireýiniń jaǵdaıy aýyr», - degen departament ókiliniń sózin keltirdi RIA Novostı agenttigi.
Zardap shekkenderdiń ishinde úsh er adam, tórt áıel, úsh jasar bala bar. Olardyń 4-eýi ortasha aýyr jaǵdaıda.
Osy sátke deıin 29 mamyrda Máskeýde bolǵan daýyldan 17 adam qaıtys boldy, onyń 11-i -Máskeýde, 6-aýy - Máskeý mańynan. BAQ derekterine sáıkes jel ekpini myńdaǵan aǵashtardy qulatyp, 30-dan astam úıdiń shatyryn julyp ketken. Aýa raıynyń tosyn minezi Máskeý oblysynda 18 myńnan astam adamdy jaryqsyz qaldyrdy.
200-ge jýyq adam zardap shekti.
