Máskeýdegi boks keshi: Qazaqstandyqtar salmaq ólsheý rásiminen ótti
MÁSKEÝ. QazAqparat – Qazaqstandyq boksshylar Bek Nurmaǵanbet, Evgenıı Pavlov jáne Danıla Semenov Máskeýdegi boks keshi aldynda mindetti salmaq ólsheý rásiminen ótti, dep habarlaıdy QazAqparat.
VKontakte áleýmettik jelisindegi «Qazaqstannyń kásipqoı boksy» paraqshasynda málim etilgendeı, sondaı-aq qazaqstandyqtar óz qarsylastarymen kóz arbasý dástúrli sharasyn ótkizdi.
Bek Nurmaǵanbet (5-0, 3KO) kolýmbııalyq tájirıbeli boksshy Hose Mıgel Torrespen (33-11, 27KO), Evgenıı Pavlov (5-0, 4KO) venesýelalyq Edıkson Perespen (24-7, 18KO) jáne Danıla Semenov (4-0, 2KO) argentınalyq Pablo Farıaspen (32-5, 17KO) kezdesedi.
Boks keshi 24 jeltoqsanda Máskeýde ótedi. Kesh hedlaınerleri – reseılik Albert Batyrgazıev (4-0, 4KO) jáne venesýelalyq Franklın Mansanılıa (20-7, 19KO).