Máskeýdegi referendým ótip jatqan ýchaskede qazaqstandyqtardyń belsendiligi joǵary
MÁSKEÝ. KAZINFORM - Máskeýde turatyn Qazaqstan azamattary jańa Konstıtýtsııa jobasy boıynsha ótetin referendýmǵa daýys berý úshin № 429 ýchaskege, ıaǵnı Qazaqstan Respýblıkasynyń Elshiligine kelip jatyr. Bul týraly Kazinform agenttiginiń Reseıdegi menshikti tilshisi habarlaıdy.
eseı aýmaǵynda daýys berý úshin barlyǵy bes ýchaske ashylǵan. Olar Máskeýde, sondaı-aq Qazaqstannyń Sankt-Peterbýrg, Qazan, Astrahan jáne Omby qalalaryndaǵy Bas konsýldyqtarynyń ǵımarattarynda ornalasqan.
Máskeýdegi ýchaskede saılaýshylardyń belsendiligi joǵary. Demalys kúni bolǵanyna qaramastan, jergilikti ýaqyt boıynsha saǵat 14:00-degi jaǵdaıǵa sáıkes, daýys berýge kelgenderdiń úlesi 50 paıyzdan asty.
Daýys bergenderdiń qatarynda Bakytjan Saǵyntaev ta bar. Ol — Eýrazııalyq ekonomıkalyq komıssııa Alqasynyń tóraǵasy.
TMD baıqaýshylar mıssııasynyń ókili, TMD Atqarý komıteti departamenti dırektorynyń orynbasary Alekseı Tretıakov halyqaralyq qoǵamdyq baıqaý azamattardyń saılaý úderisterine degen senimin qamtamasyz etetin mańyzdy tetik ekenin aıtty.
Onyń sózinshe, bul baǵytta taraptar arasynda tyǵyz ózara is-qımyl jolǵa qoıylǵan, al Astanada erteden bastap baqylaý júrgizilgen shtab jumys istegen.
— Munda, Máskeýdegi Elshilikte referendýmǵa daıyndyq óte joǵary deńgeıde uıymdastyryldy. Azamattardy habardar etý, saılaýshylar tizimin jasaý, daýys berý ótetin oryndardy ázirleý, komıssııa múshelerin daıyndaý jumystary júrgizilgen. Komıssııa tóraǵasy, hatshysy jáne barlyq músheleri — joǵary daıyndyqtan ótken kásibı mamandar, — dedi ol.
Osyǵan deıin Qazaqstan jastary Ázerbaıjanda belsendi daýys berip jatqany týraly jazdyq.