Máskeýdegi «Intervıdenıe-2025» fınaly: qazaqstandyq Amre kórermenderdi tánti etti

MÁSKEÝ. KAZINFORM — Máskeýde «Intervıdenıe-2025» halyqaralyq mýzykalyq baıqaýynyń fınaly bastaldy. Qazaqstan atynan ánshi Amre (Ernar Sadyrbaev) óner kórsetip jatyr, dep habarlaıdy agenttiktiń menshikti tilshisi.

Qazaqstandyq oryndaýshy baıqaý fınalynda segiz jastaǵy Jasmın Qaıratqyzymen birge «Dala tańy» kompozıtsııasyn oryndap, kórermenderdiń zor qoshemetine bólendi.

Amre «Daryn» memlekettik premııasynyń ıegeri, sondaı-aq 2018 jyly «Slavıan bazary» baıqaýynyń jeńimpazy bolyp tanylǵan. 2025 jyly ol Reseıdegi «Golos» shoýynyń fınalısi atanyp, onyń mentory Dıma Bılan bolǵan.

Zalda Amre men Jasmındi qoldaýǵa kelgen qazaqstandyqtar da boldy.

Án baıqaýyna 23 eldiń ókilderi qatysyp jatyr.

Jıýrı quramyna qatysýshy ár elden bir ókil engen, Qazaqstan atynan Jan Muqanov bar.

Jerebe boıynsha Amre jetinshi bolyp óner kórsetedi, bul qazaqtar úshin sáttilik bolyp sanalady.

Fınalda kútpegen jerden keleńsiz jaǵdaı boldy: belgisiz sebeptermen AQSh-tyń Vassy atty ókili sahnaǵa shyqpady.

Budan buryn «Intervıdenıe-2025» baıqaýyna Qazaqstannan Amre qatysatynyn jazǵan edik.