01:03, 23 Naýryz 2024 | GMT +6
Máskeýdegi elshilik jergilikti bılikpen jáne tıisti qyzmettermen baılanysta – Qazaqstan SІM resmı ókili
ASTANA. KAZINFORM – Reseıdegi teraktide qaza tapqandar men zardap shekkender arasynda Qazaqstan azamattarynyń bar ekeni týraly aqparat joq. Bul týraly QR Syrtqy ister mınıstrliginiń resmı ókili Aıbek Smadııarov málimdedi.
Ol Máskeýdegi elshilik jergilikti bılikpen jáne tıisti qyzmettermen baılanysta ekenin jetkizdi.
«Biz qazir jaǵdaıdyń egjeı-tegjeıin anyqtap jatyrmyz. Máskeýdegi elshilik jergilikti bılikpen jáne tıisti qyzmettermen baılanysta. Qaza tapqandar nemese zardap shekkender arasynda Qazaqstan azamattarynyń bolýy týraly aqparat túsken joq. Qosymsha aqparat kelip túsken saıyn habarlaıtyn bolamyz. Qazir elshilikte 8 (925) 897-71-14 telefony boıynsha jedel jeli ashyldy», - dedi Qazaqstan SІM resmı ókili Aıbek Smadııarov.
