Máskeýdegi barlyq áýejaıdyń jumysy ýaqytsha toqtatyldy
ASTANA. KAZINFORM – Máskeýdegi Vnýkovo, Domodedovo, Jýkovskıı jáne Sheremetevo áýejaılarynda ushaqtardy qabyldaý men jóneltýge ýaqytsha shekteýler engizildi, dep habarlaıdy Kazinform agenttiginiń óńirdegi menshikti tilshisi.
Bul týraly Reseıdiń Federaldyq áýe kóligi agenttiginiń baspasóz qyzmeti málimdedi. Vedomstvo málimetinshe, áýejaılarda ushaqtardy qabyldaý men jóneltýge ýaqytsha shekteý engizilgen.
Rosavıatsııanyń málimetinshe, shekteýler áýe qatynasynyń qaýipsizdigin qamtamasyz etý úshin engizilgen. Buǵan deıin qaýipsizdikke baılanysty Máskeý áýejaılaryna bet alǵan 20-dan astam ushaq basqa qalalarǵa baǵyt alǵan edi.
Sonymen qatar qazan aıynyń basynda Vnýkovo áýejaıynda ushaqtardy qabyldaý men jóneltýge engizilgen ýaqytsha shekteýlerge baılanysty Máskeýge baǵyt alǵan 14 reıs basqa áýejaılarǵa buryldy.
Reseı men Qytaı Marsty zertteýge arnalǵan birlesken mıssııa aıasynda ǵylymı aspaptar men tehnıkany ázirleıtinin jazǵan edik.
