Máskeýde aýa temperatýrasy rekordtyq deńgeıge jetti
MÁSKEÝ.KAZINFORM - Búgin Reseı astanasynda aýa temperatýrasy 30,5 gradýsqa deıin kóterilip, rekordtyq deńgeıge jetti. Bul týraly Gıdrometortalyqtyń saıtynda habarlandy, dep habarlady Kazinform agenttiginiń menshikti tilshisi.
Máskeý ýaqytymen saǵat 15:10-daǵy kórsetkish boıynsha, «Krasnopresnenskaıa» metro stantsııasynyń mańyndaǵy vedomstvo ǵımaratynyń shatyrynda ornalasqan meteostantsııa 30,5 gradýs jylyny kórsetti.
Mundaı aýa temperatýrasy 1979 jyly bolǵan, ol kezde aýa 30,2 gradýsqa deıin jylyǵan. 19 mamyr eń sýyq kún 1893 jyly bolyp, temperatýra -2,2 gradýsqa deıin tómendegen.
Budan buryn 2026 jyldyń maýsymyna qaraı Tynyq muhıtynyń ortalyq jáne shyǵys bóliginde El-Nıno qubylysy qalyptasýy múmkin ekeni týraly jazdyq. Mamandardyń aıtýynsha, bul álem boıynsha temperatýranyń kúrt kóterilýine sebep bolýy yqtımal.
