Máskeýdegi alyp kókenister kórmesindegi eń úlken asqabaqtyń salmaǵy 817 kg boldy

ASTANA. KAZINFORM – Alyp kókenister kórmesinde salmaǵy 817 keli bolatyn rekordtyq asqabaq ólshendi, dep habarlaıdy RIA Novostı.

Úlken asqabaqty ólsheý Máskeý memlekettik ýnıversıtetiniń «Aptekarııalyq baq» botanıkalyq baǵynyń aýmaǵynda ótti. Bes alyp asqabaqtyń biri 817 keli salmaqpen byltyrǵy 771 keli rekordty jańartty. Kókenistiń salmaǵy týraly aqparat jańa jetistikti resmı tirkeý úshin Reseı rekordtar kitabyna usynylady.

Qalǵan alyp asqabaqtardyń salmaǵy 301, 317, 508 jáne 771 keli boldy.

14 qyrkúıekte «Aptekarııalyq baq» aýmaǵynda kókenisterdiń úlken kórmesi ashylady. Onda rekord ornatqan alyp asqabaqpen qatar alyp pııaz, qyzylsha, qııar jáne basqa da kókónister bar.