Máskeýde «Jyl áni» baǵdarlamasynyń burynǵy júrgizýshisi Evgenıı Menshov ómirden ótti
ASTANA. QazAqparat - Máskeýde 69 jasqa qaraǵan shaǵynda Reseıdiń eńbek sińirgen ártisi Evgenıı Menshov kóz jumdy, dep habarlady Bı-bı-sı.
Jýrnalısterge Menshovtyń áıeli habarlaǵandaı, onyń kúıeýi aýrýhanada dúnıeden ótken. Buǵan deıin ol uzaq ýaqyt boıy syrqattanǵan.
«Jyl áni» («Pesnıa goda») telebaǵdarlamasy arqyly Evgenıı Menshovtyń esimi kópshilikke keńinen tanymal boldy. Bul baǵdarlamany ol 1998-2006 jyldar aralyǵynda Angelınoı Vovkpen birge júrgizgen. Akter 30 jyldan astam ýaqyt boıy Gorkıı atyndaǵy Máskeý drama teatrynda oınaǵan, kınoǵa tústi. Menshov 20-ǵa jýyq kartınaǵa túsken. 1972 jyly ol alǵash ret «A zorı zdes tıhıe» fılminde týrıstiń rólin oınaǵan. Kınodaǵy sońǵy jumysy - ekrandarǵa 2009 jyly shyqqan «Estestvennyı otbor» fılmi.
