Máskeýde jol-kólik apatynda qazaqstandyq stýdent qazaǵa ushyrady
MÁSKEÝ. QazAqparat - Máskeýde 20 aqpanda Kravchenko kóshesindegi jaıaý adamdar ótkeliniń birinde Qazaqstannyń eki azamaty, M.V.Lomonosov atyndaǵy MMÝ stýdentteri - 1994 j.t. Ivan Lamonov pen 1995 j.t. Anna Slıvkınany mashına qaǵyp ketti.
Jol-kólik oqıǵasy Máskeý ýaqytymen saǵat 21.00 shamasynda boldy. Kisi ólimine ákep soqqan jol-kólik oqıǵasyn Skoda Octavia avtomashınasyn júrgizip kele jatqan RF azamaty, 1951 j.t. Karabelnıkov jasady. Zardap shekkender medıtsınalyq kómek kórsetý úshin Máskeý qalasynyń 1-shi qalalyq aýrýhanasyna jetkizildi.
23 aqpanda I.Lamonov alǵan jaraqattarynan (bas mıyna zaqym kelýi, kóptegen synyqtar) esin jımastan kóz jumdy, 24 aqpanda I.Lamonovtyń denesi otanyna jiberildi.
A.Slıvkınanyń jaǵdaıyn dárigerler qanaǵattanarlyq dep baǵalaýda, osyǵan baılanysty ol jalpy palataǵa aýystyryldy.
Qazirgi kezde RF quqyq qorǵaý jáne tergeý oryndary tıisti tergeý amaldaryn júrgizýde.
QR-nyń RF-daǵy Elshiligi tarapynan zardap shekkenderdiń týystaryna qajetti konsýldyq-quqyqtyq kómek kórsetilýde.
