Máskeýde jerasty kollektorlaryna ekskýrsııaǵa túskender qaza boldy

MÁSKEÝ. QazAqparat – Máskeýde jer astyndaǵy kollektorlardy kórý úshin zańsyz ekskýrsııaǵa qatysqan bir top adam joǵalyp ketti. Osy ýaqytta jer astyna túsken 5 adamnyń kóz jumǵany málim bolyp otyr, dep habarlaıdy QazAqparat TASS-qa silteme jasap.

«Qazir zańsyz ekskýrsııaǵa qatysqan 5 adamnyń qaza bolǵany rastalyp otyr. «Zarıade» saıabaǵyna jaqyn mańda taǵy bir adamnyń denesi tabyldy», - dep jazady agenttik derekkózge silteme jasap. Buǵan deıin 4 adamnyń denesi tabylǵany týraly habarlanǵan bolatyn.

Dıggerlerdiń (jerasty panalary men jer astyndaǵy ózge de nysandardy zertteýshiler) joǵalǵany týraly 21 tamyz kúni tańerteń belgili boldy. Máskeýde kenet nóser jaýyn bastalyp, kollektorlar sýǵa tolǵan. Tótenshe jaǵdaıǵa qatysty qylmystyq is qozǵaldy. Zańsyz ekskýrsııany uıymdastyrǵan tulǵadan tergeýshiler jaýap alyp jatyr.

Máskeý meri Sergeı Sobıanın qaza bolǵandardyń otbasylaryna kóńil aıtyp, izdestirý jalǵasyp jatqanyn jetkizdi.

Aldyn ala boljam boıynsha dıggerler tobynyń quramynda segiz adamǵa deıin bolǵan.