Máskeýde jer silkindi
ASTANA. 24 mamyr. QazAqparat - Ohot teńizindegi jer silkinisiniń jańǵyryǵy Máskeýge de jetti, dep habarlady reseılik «Jańalyqtar» agenttigine RǴA geofızıkalyq qyzmetiniń kezekshisi.
«Máskeýde naq osy jer silkinisiniń jańǵyryǵy sezilýi múmkin. Onyń tereńdigi 600 shaqyrymda boldy jáne óte úlken aýmaqqa taraldy. Ony Krasnoıarskide, Blagoveşenskide, Qıyr Shyǵys pen Sibirdiń barlyq aýmaǵynda sezdi. Ol edáýir tereńdikte ári qýaty kúshti bolǵandyqtan úlken aýmaqty qamtydy», - dedi agenttik suhbattasýshysy.
Terbelisi 7,5 jel silkinisi Petropavl-Kamchatskide juma kúni boldy, magnıtýdasy 8,2 zilzala kindigi Ohot teńizinde ornalasqan. Jerasty dúmpýi Kamchatkada bes mınýt boıy sezilip turdy. Petropavl-Kamchatskidegi turǵyndardyń úılerinde jıhazdar shaıqaldy, kóptegen adamdar úılerinen syrtqa qashyp shyqty. Mektepterde muǵalimder balalardy syrtqy shyǵardy. TJM-nyń sońǵy málimetteri boıynsha tsýnamı qaýpi joq, zardap shekkender jáne qıratýlar da bolǵan joq.
Budan buryn ǵalymdar Kamchatkada kúshti jer silkinisi bolýy yqtımal ekenin aıtqan bolatyn. RǴA Jer fızıkasy ınstıtýtynyń qyzmetkeri Alekseı Zavıalov Kamchatka aýdanynda seısmıkalyq oqıǵalar jıi bolyp turatynyn málimdedi.
Astana turǵyndary ortalyq ǵımarattarda, astananyń soltústik-shyǵysynda jáne ońtústik-batysynda jerasty dúmpýlerin baıqaǵan. «Biz jer silkinisin Malaıa Dmıtrovka kóshesindegi keńsemizde sezdik. Aspaly shamdar shaıqalyp, jer qozǵalyp bara jatqandaı boldy. Uıymdasqan túrde syrtqa shyqtyq», - dedi «Jańalyqtar» agentigine «RýsGıdro» ókili.
«Taganskaıa metrosynyń qasyndaǵy bizdiń keńsemizde jer silkinisi sezildi. Keńsedegi jıhazdar qozǵalyp, aspaly shamdar shaıqaldy. Kóshege shyqqan joqpyz», - dep habarlady reseılik iri kompanııa ókili.
Keıbir ǵımarattardaǵy adamdar kóshirildi. Máselen, Lesnaıa kóshesindegi turǵyn úıden 150 adam syrtqa shyǵaryldy. Reseı Ǵylym akademııasy geografııa ınstıtýtynyń dırektory Arkadıı Tıshkovtyń aıtýynsha, Máskeý shyn máninde ártúrli jer silkinisteriniń jańǵyryǵy aımaǵynda, biraq ol qaýipti emes.
RF TJM máskeýlikterge eshqandaı qaýip joq ekenine sendirýde. «Máskeýdegi jerasty dúmpýleri - Ohot teńizindegi jer silkinisiniń saldary. Adamdarǵa qaýip joq», - dedi RF TJM aqparat basqarmasynyń jetekshisi Oleg Voronov «Jańalyqtar» agenttigine.
«Máskeý-Sıtı» iskerlik ortalyǵy da qaýipsiz. Osy keshendi basqarý kompanııasynyń ókili Andreı Lýkıanov «barlyǵy da qalypty, barlyq ǵımarattar seısmıkalyq belsendilik eskerilip jobalanǵan, barlyǵy da normatıvke saı», - dep habarlady reseılik «Jańalyqtar» agenttigine.
