Máskeýde jemqorlyqqa qarsy narazylyq aktsııasynda 900-den astam adam ustaldy
ASTANA. QazAqparat - 26 naýryz kúni Máskeý qalasynyń ortalyǵynda ótken jemqorlyqqa qarsy aktsııa barysynda polıtsııa 900-den astam adamdy tutqyndady. Bul týraly «OVD-Info» belsendileri málim etti.
Al Máskeý qalalyq ІІB 500-den astam adamnyń ustalǵanyn aıtýda, dep habarlaıdy QazAqparat RBK-ǵa silteme jasap.
Quqyq qorǵaý organdarynyń qyzmetkerleri Máskeý ortalyǵynda oppozıtsııanyń jemqorlyqqa qarsy kúres aktsııasyna qatysqan 933 adamdy tutqyndady. «OVD-Info» saıty RF astanasynyń túrli aýdandyq Іshki ister bólimderine jetkizilgen adamdardyń tizimin usyndy.
Onymen bir mezgilde, Reseı ІІM Bas basqarmasynyń resmı saıtynda 500 adamnyń tutqyndalǵany týraly aıtylǵan, al Máskeý qalalyq sybaılas jemqorlyqqa qarsy kúres jáne óńirlik qaýipsizdik departamentiniń basshysy Vladımır Chernıkov «RIA Novostı»-ge quqyq qorǵaý organdary narazylyq sharasyna qatysqan 600-den astam adamdy ustaǵanyn aıtqan.
26 naýryz - jeksenbi kúnge josparlanǵan sybaılas jemqorlyqqa qarsy aktsııany ótkizýge Máskeý bıligi ruqsat bermegen. Alǵashqyda Jemqorlyqqa qarsy kúres qorynyń (JQKQ) quryltaıshysy Alekseı Navalnyı mıtıngti Tver kóshelerinde ótkizýge ótinim bergen. Máskeý bıligi ótinishti qanaǵattandyrmady jáne birden balamaly joldardy usynbaǵan.
Bılik aktsııanyń kelisilmegenin resmı túrde eskertip, máskeýlikterdi oǵan qatyspaýǵa úndedi. Soǵan qaramastan, saǵat 14:00-de qala ortalyǵynda adamdar jınala bastap, jýrnalıster alǵashqy tutqyndalýshylar týraly habar tarata bastady. Narazylyqqa qatysýshylar RF premer-mınıstri Dmıtrıı Medvedevke qatysty tergeý júrgizýdi talap etken. JQKQ úkimet basshysynyń jyljymaıtyn múlikterdi zańsyz ıelenip kelgendigin áshkerelegen-mys.
Resmı derek boıynsha, Máskeý kóshelerine 8 myńnan astam adam shyqqan. Al Navalnyıdyń baspasóz hatshysy Kıra ıArmysh Máskeýde aktsııaǵa qatysýshylar sany 25-30 myń adam, al jalpy el boıynsha 150 myńǵa jýyq bolǵanyn aıtýda.
Sybaılas jemqorlyqqa qarsy narazylyq aktsııasy sol kúni Reseıdiń ondaǵan qalasynda ótti.
