Máskeýde jazýshy Sábıt Dosanovtyń shyǵarmashylyq keshi ótti
ALMATY. Naýryzdyń 26-sy. QazAqparat /Názıra Eleýhan/ - Máskeýde QR eńbek sińirgen qaıratkeri, M.Sholohov atyndaǵy halyqaralyq syılyqtyń laýreaty, Reseı Pedagogıka jáne áleýmettik ǵylymdar akademııasynyń akademıgi, professor, belgili qazaq jazýshysy Sábıt Dosanovtyń 70 jyldyǵyna arnalǵan shyǵarmashylyq kesh ótti,
dep habarlaıdy QazAqparat.
Kesh Reseı Jazýshylar odaǵynyń, «Qazaq tili» qoǵamynyń, Beıbitshilik jáne kelisim federatsııasynyń uıymdastyrýymen ótti. Shyǵarmashylyq keshti orys aqyny Lıýdmıla Şıpahına júrgizdi.
Qazaqstannyń Reseıdegi elshisi Zaýytbek Turysbekov búgingi saltanatty shara kópǵasyrlyq orys jáne qazaq halqynyń dostyq qarym-qatynasynyń, sondaı-aq eki el prezıdentteri Nursultan Nazarbaev pen Dmıtrıı Medvedevtiń saraly saıasatynyń arqasynda múmkin boldy dep atap ótti.
Alǵashqylardyń qatarynda sóz alǵan akademık synshy Felıks Kýznetsov, Reseı ádebıeti akademııasynyń prezıdenti Vladımır Mırnev, tanymal tatar jazýshysy ıAmıl Mýstafın, tanymal memleket qaıratkeri Gennadıı Zıýganov, memleket jáne qoǵam qaıratkeri Fahır Abdýhalyqov jáne taǵy da basqa qoǵam qaıratkerleri óz quttyqtaýlaryn jetkizdi. Armenııanyń kórnekti qalamgeri Stanıslav Oganıan kesh ıesi týraly jáne onyń shyǵarmashylyǵyna toqtala kele, "keń qulashty, kemel oıly, epık sýretker" dep atap ótti.
Kesh barysynda mereı toı ıesine Reseı Memlekettik Dýmasynyń eskertkish medali tapsyryldy.
