Máskeýde jastar men mılıtsııa arasynda atys boldy, zardap shekkender bar
ASTANA. 20 jeltoqsan. QazAqparat - Máskeýdiń batysynda mılıtsıonerler men bir top jastar arasynda atys boldy.
Bul týraly RBK habarlady.
Reseı astanasyndaǵy quqyq qorǵaý organyndaǵy derek kózi habarlaǵandaı, oqıǵa 19 jeltoqsanda shamamen Máskeý ýaqyty boıynsha 23.00-de Govorov kóshesinde bir top kúdikti azamattan qujattardy tekserý kezinde oryn aldy.
Mılıtsıonerlerdiń qujattaryn kórsetý týraly zańdy talaptarynan keıin, belgisiz azamattar qaltalarynan qarýlaryn alyp shyǵyp, mılıtsıonerlerge qarata oq jaýdyrdy. Olarǵa jaýap retinde atylǵan oqtan shabýyldaýshylardyń biri qaza tapty. Sonymen qatar oqıǵa kezinde mılıtsıonerdiń biri de jaraqat aldy.
Qazirgi ýaqytta mılıtsıonerlerge qaraqshylyq shabýyl jasaǵandardy izdestirý jumystary júrip jatyr.
Máskeý qalasynyń ІІBB resmı túsindirme áli bergen joq.
