Máskeýde jarylys qaýpine baılanysty myńnan astam adam evakýatsııalandy
MÁSKEÝ. QazAqparat - RF Máskeý jáne Máskeý oblysynda jarylys qaýpi týraly túsken habarlamaǵa baılanysty saýda ortalyqtary men joǵary oqý oryndary ǵımarattarynan 2 myńǵa jýyq adam evakýatsııalandy, dep habarlaıdy TASS quqyq qorǵaý organdaryna silteme jasap.
«Máskeý men Máskeý oblysyna 20 nysanǵa mına qoıylǵany týraly aqparat tústi, tekserý kezinde 2 myńǵa jýyq adam evakýatsııalandy», - dedi derekkóz.
Atap aıtqanda, Máskeý oblysynda Reýtov jáne Kolomnadaǵy eki saýda ortalyǵynan 800 adam evakýatsııalandy. Sondaı-aq, Máskeýde Lenın dańǵylyndaǵy «Rıo» saýda ortalyǵynda adamdar qaýipsiz jerge shyǵarylǵan. Máskeý tehnologııalyq ýnıversıtetinde oqý protsesi toqtatyldy. «Mına» qoıylǵan ǵımarattardyń arasynda "Erevan Plaza", "Evropark" saýda ortalyqtary, "Sınema star" kınoteatry bolýy múmkin.
