Máskeýde jańa meshitter salynady
ASTANA. QazAqparat - Máskeý shaharynyń ár aýdanynda kem degende bir meshitten salynýy tıis. Reseı eliniń múftıler keńesinde osyndaı oı ortaǵa salyndy. Osylaısha, olar Máskeýdegi qulshylyq ordalarynyń sanyn 10-nan asyrmaqshy.
Bul týraly Qazaqstan musylmandary dinı basqarmasynyń resmı saıtynda habarlanǵan.
Reseı mýftıleri keńesiniń baspasóz qyzmetshisi Gúlnur Ǵazıeva atap kórsetkendeı, Máskeýde musylmandar úshin qulshylyq ordalary azdyq etedi.
«Qarqyndy túrde ósip kele jatqan musylmandar sany qazirgi kezde Máskeýdegi meshitterdiń kóptep salynýyn talap etedi. Degenmen, biz Máskeýdiń ár aýdanynda bir meshitten bolǵanyn ǵana surap otyrmyz. Sonda biz kóshedegi qozǵalysty toqtatýdan da tyıylar edik», - deıdi ol.
Qazirgi tańda Máskeý shaharynda 2 mıllıonnan astam musylman ómir súredi. Al osynshama jurtshylyqqa bar bolǵany tek tórt qulshylyq ordasy qyzmet atqarady. Syıymdylyǵy jaıly tipti sóz qozǵaýǵa kelmeıtin bul meshitterde juma kúni namaz oqý baqyty musylman jamaǵatynyń tek azdaǵan bóligine buıyrady. Al qalǵandary aýa raıynyń qandaı ekenine qaramastan qudaıǵa qulshylyǵyn kóshe ortasynda jaınamaz tósep óteıdi eken.
