Máskeýde zaýyt ishindegi ótkel qulap, 50-den astam Qyrǵyzstan azamaty jaraqat aldy
MÁSKEÝ. QazAqparat - Máskeý mańyndaǵy Stýpıno eldimekeninde óndiris ornynda ótkel qulap, 51 adam zardap shekti, dep habarlaıdy QazAqparat TASS agenttigine silteme jasap.
«Qazirgi ýaqytta 51 adamnyń jaraqat alǵany belgili. Onyń bári ártúrli aýrýhanalarda em alyp jatyr. Keıbireýleri óz betinshe medıtsınalyq kómekke júgingen» dep habarlady agenttikke suhbat bergen tótenshe jaǵdaılar mınıstrligi Máskeý oblysyndaǵy basqarmasynyń baspasóz qyzmeti.
Munyń aldynda zardap shekkender sany 39 bolatyn. Onyń ishinde 18 adam aýyr halde jatyr. Qaza tapqandar joq.
Vedomstvonyń málimetinshe, oqıǵa saldaryn joıýǵa 68 qutqarýshy men 25 tehnıka tartylǵan.
Zardap shekkenderdiń barlyǵy - Qyrǵyzstan azamattary. Onyń ekeýi Reseı azamattyǵyn alǵan. Olar - osy zaýyttyń jumysshylary.
Aıta keteıik, «FM Logıstık» óndiris ornynda opyrylyp túsken metall ótkeldiń uzyndyǵy - 35 metr, bıiktigi - 4 metr. Ol ınjenerlik kommýnıkatsııalardyń ústine qulap, búldirgen.
