Máskeýde uzaqqa sozylǵan jóndeý jumystarynan keıin Úlken teatr ashyldy
ASTANA. 28 qazan. QazAqparat - Búgin jóndeý jumystarynan keıin Reseıdiń basty nyshandarynyń biri - Úlken teatrdyń tarıhı sahnasy ashyldy, dep jazdy bnews.kz.
Jańartylǵan sahna tórinde ótetin saltanatty gala-kontsertti Reseıdiń aldyńǵy qatarly telearnalarynyń barlyq kórermenderi tikeleı efır arqyly tamashalaı alady. Kórsetilim sondaı-aq Eýropa, Amerıka men Azııanyń kóptegen elderiniń teleaýdıtorııasyn qamtıdy. Oǵan qosa álemniń 600-den astam kınoteatrlarynda da tikeleı kórsetilim uıymdatyrylatyn bolady, dep habarlaıdy «Eho planety».
Kúrdeli jóndeý jumystary alty jyl boıy júrdi jáne oǵan bıýdjetten 21 mlrd. rýbl jumsalǵan. Endi Úlken teatr HIH ǵasyrdaǵy keremet kelbetine qaıta endi. Memlekettik Akademııalyq Úlken Teatrdyń jalpy alańy eki esege ulǵaıyp, qazir 72 myń sharshy metrdi quraıdy. Teatr jerasty keńistigin paıdalaný arqyly ulǵaıtyldy. Al teatrdyń basty zalyndaǵy oryndar sany 2100-den 1768-ge qysqardy, mamandardyń sózine qaraǵanda, ol kórermenderdiń yńǵaıy úshin jasalyp otyr.
