Máskeýde úsh kún boıy mobıldi ınternet shektelýi múmkin
ASTANA. KAZINFORM — Máskeý ortalyǵynda 27–29 qazanda mobıldi ınternetke shekteý qoıylýy yqtımal, dep habarlaıdy TASS agenttigi.
Máskeýde 27–29 qazan aralyǵynda mobıldi ınternet jumysyna shekteý qoıylýy múmkin. Buǵan Gaz eksporttaýshy elder forýmyna (FSEG) qatysýshy memleketter basshylarynyń sammıti jáne «Reseı – Afrıka» sammıtiniń ótýi sebep bolmaq. Bul týraly Reseıdiń Tsıfrlyq damý mınıstrligi habarlady.
— Shekteýler Máskeýdegi Úshinshi kólik aınalma jolynyń aýmaǵynda engizilýi múmkin. Atap aıtqanda, 27 jáne 28 qazanda Máskeý ýaqytymen saǵat 11:30-dan, al 29 qazanda saǵat 9:30-dan bastap mobıldi ınternet jumysy shektelýi yqtımal, — delingen habarlamada.
Mınıstrliktiń málimetinshe, «aq tizimge» engen eń qajetti ári áleýmettik mańyzy bar servıster men saıttar, sondaı-aq daýystyq baılanys, úıdegi ınternet jáne Wi-Fi qalypty jumysyn jalǵastyrady.
Buǵan deıin Reseıde Balıden oralǵan áıelden Zıka vırýsy anyqtalǵanyn jazǵan bolatynbyz.
