Máskeýde úsh ıt kólik urlap, apatqa ushyrap, oqıǵa ornynan qashyp ketken
ASTANA. 31 naýryz. QazAqparat - Máskeýde úsh ıt ıesiniń kóligin urlap ketip, jol-kólik oqıǵasna urynǵan. Onymen qoımaı, tártip saqshylarynyń kózinshe oqıǵa ornynan qashyp ketken, dep habarlaıdy RBK, «AlfaStrahovanıe» kompanııasyna silteme jasap.
Kompanııa qyzmetkerleri oqıǵanynyń shynaıylyǵyn aıtyp, ant-sý ishken kórinedi. «Kólik urlaǵysh ıtterge» baılanysty oqıǵa Máskeýdegi saýda ortalyqtarynyń biriniń turaǵynda bolǵan eken.
«Dúkennen shyqqan qymbat kóliktiń ıesi - jas kelinshek «ýmajdalyp» qalǵan kóligin kórip tóbe shashy tik turǵan. Ol jalma-jan apattyń kinálisine umtylǵan. Óz kóligine soǵylyp toqtaǵan kóliktiń esigin ashqanda, aldyńǵy oryndyqtarǵa jaıǵasyp alyp, ózine shebelene úrgen úsh ıtten basqa eshkimdi kóre almapty», - deıdi saqtandyrý kompanııasynyń ókilderi. Salonnan adam balasyn taba almaǵan kelinshek tipti júksalǵyshty da ashyp kóripti.
Keıin belgili bolǵandaı, úsh ıttiń ıesi kóligin óshirmesten, dúkenge kirip ketken kórinedi. Jábirlenýshi kelinshek onyń kóligin de, «buzyq» ıtterin de sýretke túsirip alady. Sosyn oqıǵa ornyna jol polıtsııasy qyzmetkerlerin shaqyryp, tıisti qujattardy toltyrýǵa kirisedi. Toltyryp bolǵan soń qarasa, jol-kólik oqıǵasynyń kinálileri oqıǵa ornynan kólikpen qosa «qashyp» ketipti. Itter kólikti birneshe ondaǵan metr jerge deıin júrgizip aparǵan eken.
Oqıǵanyń tolyq nusqasy myna jerde: http://www.rbcdaily.ru/2012/03/30/cnews/562949983407748
