Máskeýde úsh adam kóliktiń ishinde tirideı órtenip ketti
ASTANA. QazAqparat - Máskeýde oryn alǵan jol apaty saldarynan úsh adam qaza tapty, dep habarlaıdy LifeNews.
Aldyn ala málimetter boıynsha, «BMV» kóliginiń júrgizýshisi rólge ıe bola almaı qalyp, jol jıegindegi metall qorshaýǵa soǵylǵan.
«Júrgizýshi kólikti basqara almaı qalyp, kólik qorshaýǵa soǵylyp birden jana bastady. Aldynda otyrǵan jolaýshy men júrgizýshi kólikten shyǵyp úlgedi. Al artqy jaǵynda otyrǵan úsh jolaýshy tirideı órtenip ketti», - deıdi qaıǵyly oqıǵanyń kýágeri.
Úsh adamnyń qaza tapqany týraly aqparatty quqyqqorǵaý organdary rastady. Oqıǵa ornyna kelgen qutqarýshylar órtti sóndirdi. Qazirgi kezde oqıǵa ornynan izin sýytqan júrgizýshi izdestirilýde.
