Máskeýde «Uly dala altyny» kórmesi ótedi
ASTANA. QazAqparat - Naýryz aıynyń 2-20 kúnderi aralyǵynda Máskeý qalasyndaǵy Reseı zamanaýı tarıhy memlekettik ortalyq murajaıynda «Uly dala altyny» atty kórme ótedi, dep habarlaıdy Qazaqstannyń Reseıdegi Elshiliginiń resmı saıtyna silteme jasaǵan «QazAqparat» HAA.
«Uly dala altyny» kórmesi kórermenderin 2500 jyl buryn ýaqytqa áketip, patshalardyń ólmeı, jerasty saraılaryna máńgilik uıqyǵa ketken kezdi kórsetedi. Mundaı biregeı qorǵandar Shyǵys Qazaqstanda ornalasqan. Olar «Patshalar alqaby» dep atalyp ketken. Berel alqabynda qazba jumystaryn júrgizge kezde, arheologtar onda eki myń jyl ótse de óte jaqsy saqtalǵan biregeı qorymdardy anyqtaǵan.
«Uly dala altyny» kórmesinde sol ýaqyttaǵy atty jáne at ábzelderin, sondaı-aq Altyn adamdy, bizdiń zamanymyzdaǵy joǵary tehnologııalar kezinde de jasala qoımaıtyn biregeı tehnıkamen oryndalǵan kóptegen áshekeı buıymdar, semserler men qanjarlar, erte zamandaǵy adamdardyń músinderi men eńbek qarýlaryn tamashalaýǵa bolady.
