Máskeýde Ulttyq dombyra kúni atalyp ótti
MÁSKEÝ. QazAqparat - Búgin Máskeýde, qazaqtyń uly aqyny, Abaı Qunanbaevqa arnalǵan eskertkish ornalasqan jerde dombra-party ótti, dep habarlaıdy «QazAqparat» HAA.
Sharany Reseıdegi qazaq stýdentteriniń birlestigi «Ja tulpar» men «Bolashaq» baǵdarlamasynyń ókilderi Qazaqstannyń Reseıdegi elshiliginiń qoldaýymen uıymdastyrdy. Mýzyka maıtalmandary onda qalyń kópshilik aldynda áıgili kompozıtorlardyń kúılerin oryndady.
Osy kúnde dástúrge aınalyp úlgergen «Dombyra-party» kóptegen turǵyndardyń jáne qala qonaqtarynyń nazaryn aýdardy. Munda dombyranyń ásem únin kez kelgen adam estı alatyn edi.
Uıymdastyrýshylardyń aıtýynsha, aktsııa Dombyra kúnine arnalǵan. Sharanyń basty maqsaty Qazaqstannyń ulttyq dástúrleri men mádenıetin nasıhattaý jáne qazaqtyń baı mádenı qundylyqtaryn barynsha keńirek tanytý bolyp tabylady.
Aıta keteıik, 2018 jyldyń maýsymynda Qazaqstan Prezıdenti Nursultan Nazarbaev arnaıy Jarlyqqa qol qoıdy. Oǵan sáıkes, shildeniń birinshi jeksenbisi Ulttyq dombyra kúni retinde atalyp ótedi. Bul kún dombyra arqyly qoǵam ókilderin ulttyq mádenıetti saqtaý men ony jańǵyrtýǵa jáne birlikke uıystyrýdy maqsat etedi.
