Máskeýde ultaralyq arazdyq negizinde jappaı tártipsizdikter oryn aldy

Tártipsizdikterge atalǵan aýdanda Reseı astanasynyń turǵyny 25 jasar Egor Şerbakovtyń ólimi sebep bolǵan. 10 qazan kúni marqum qurbysymen qydyryp, úıine qaıtyp kele jatqanda Soltústik Kavkazdyń týmasy oǵan tıisip, pyshaqtap ketken. Dál sol jerde ornatylǵan baqylaý kameralary onyń bul qylmysyn jazyp qalsa da, qandyqol áli de tabylǵan joq.

Atalǵan oqıǵa lezde BAQ, áleýmettik jeliler men blogtar arqyly qalyń buqaraǵa tarap ketti. Senbi kúni sol aýdannyń turǵyndary ereýilge shyǵyp, qylmyskerdiń jazasyn berip, jergilikti kókónis bazasyn jabýdy talap etti.

Jeksenbi kúni keshke Bırıýlevo aýdanynda halyq ekinshi márte kóterildi. Bul joly kóshege myńnan asa adam shyqty. Halyq buǵan deıin qoıǵan talaptarymen qosa, Bırıýlevo aýdanynyń basshysyn qyzmetinen ketirýdi talap etse, keıbir toptar ulttyq urandary jazylǵan plakattardy kóterip shyqty.

Keshki saǵat altyǵa qaraı mıtıng jappaı tártipsizdikke ulasty. Ereýilshiler jergilikti saýda úıin qıratty, mıgranttardy izdep, kókónis bazalarynyń astan-kestenin shyǵardy, jolaı turǵan kólikterdi aýdaryp tastady. Turǵyndardyń pikirinshe, qylmysker jergilikti kókónis bazasynda jumys istegen.

Jaǵdaıdy turaqtandyrý úshin Máskeý qalasy boıynsha QR ІІM MB jeke quramdardyń bárin jumyldyratyn «Výlkan» josparyn jarııalady.

Keshki on birlerde Bırıýlevo aýdanynda shamamen 300 adam tutqyndaldy.

Resmı federaldy BAQ-tyń topshylaýynsha, tártipsizdikterdi atalǵan aýdanǵa arnaıy kelgen ultyshldar ádeıi uıymdastyrdy.