Máskeýde UQShU-ǵa múshe memleketterdegi zańsyz kóshi-qon talqylandy

MÁSKEÝ. QazAqparat -  Máskeýde UQShU Úılestirý keńesiniń XX otyrysynda kóshi-qon jaǵdaıy, oǵan qarsy is-qımyl boıynsha birlesken qyzmettiń budan arǵy baǵyttary talqylandy, dep habarlady Máskeýdegi «QazAqparat» HAA menshikti tilshisi.

Qazaqstan tarapynan májiliske QR ІІM Kóshi-qon qyzmeti komıtetiniń tóraǵasy Murat Qabdenov qatysty.

 «Biz búgin TMD aýmaǵyndaǵy úshinshi memleketter azamattarynyń derekqor bazasyn ıntegratsııalaý týraly kelisimge qol qoıdyq. Ýaqyt talaptaryn eskerip bizdiń kúsh vedomstvolarynyń  jumysyn úılestirdik», - dedi  otyrysta úılestirý keńesiniń tóraǵasy  A.Gorovoı.

Ol sondaı-aq shara barysynda «Nelegal» birlesken operatsııasy týraly qujat jobasyna qol qoıǵanyn, halyqaralyq izdeýdegi tulǵalarǵa qatysty jumystardy úılestirý josparlanyp jatqanyn qosty.

Jýrnalıster suraǵyna jaýap bergen A.Gorovoı qazaqstandyq áriptestermen ózara is-qımyl deńgeıine qanaǵattanatynyn atap ótti.

«Biz qazaqstandyq áriptestermen ózara is-áreket deńgeıine kóńilimiz toldy. Ótken jyly Astanada Qazaqstan azamattarynyń elektrondyq aqparattyq derekqoryn jáne tirkeý kartasyn qurý boıynsha áriptesterimizdiń tájirıbesin zerdeledik. Belgili bir sátterdi biz RF aýmaǵynda iske asyrý úshin paıdalanamyz», - dedi A.Gorovoı.

UQShU bas hatshysynyń mindetin atqarýshy V.Semerıkov zańsyz kóshi-qonmen kúres salasyndaǵy UQShU-ǵa múshe memleketterdiń birlesken jumysy týraly aıtty.

Derekterge sáıkes UQShU-ǵa múshe memleketter aýmaǵynda júrgizilgen «Nelegal» 9 operatsııasynda 1 mıllıonnan astam kóshi-qon zańnamasyn buzýshylyq anyqtaldy. Іzdeýdegi 1600-ge jýyq adam ustaldy. 5 myńnan astam qylmystyq is qozǵaldy. Onyń 400-ge jýyǵy adam saýdasyna baılanysty. 16-17 mlrd dollar shamasynda zańsyz qarjy operatsııasy anyqtaldy.