Máskeýde turatyn qandastarymyz qazaq mektebine zárý
ASTANA. 6 mamyr. QazAqparat - Qazir Reseı astanasynda 12 myńnan astam qazaq turady. Ár otbasy kemi eki baladan tárbıeleýde, dep habarlaıdy 24.kz.
Máskeýdegi «Qazaq tili» qoǵamdyq qorynyń tóraǵasy Ábý Islamnyń aıtýynsha, elimiz táýelsizdik alǵan jyldary Máskeýde qazaq synyby ashylǵanda qýanyshtarynda shek bolmaǵan. Sol jyldary «Qazaq tili» gazeti de shyǵa bastaǵan.
«Qazaq tili» qoǵamynyń ashylǵanyna aldaǵy toqsanda bir jyl ǵana bolady. Osynda jeksenbilik synyp retinde qazaq tili sabaǵy júrgiziledi. Gazet shyǵarý jobasyn jergilikti qazaqtarmen birigip, qolǵa alǵanbyz. Qarjylandyrý jaǵynan qıyndyqtar týyndaǵan soń toqtatyldy»,-deıdi ol.
Búginde Máskeýde ómir súrip jatqan túrli ult ókilderiniń óz mektepteri bar. Keıbiri mádenı ortalyqtarynda balalarǵa ana tilderinde sabaq júrgizedi. Qazaqtarda qoǵamdyq sharalarǵa dep bólingeni tek shaǵyn bólme ǵana. Sondyqtan, jergilikti qazaqtar bul máselede Qazaqstan qol ushyn berse degen tilekterin aıtady.
- Bizdiń memleketten qoldaý bolyp jatsa, Reseı tarapy qarsy emes,- deıdi Ábý Islam.
Máskeý qazaqtary alǵashqy qońyraýdyń syńǵyrlaǵan úni qazaq mektebinde estiler degen úmitten kúder úzbeıdi.
