Máskeýde tuńǵysh ıslam sán úlgileri forýmy ótedi
ASTANA. QazAqparat - Moscow Halal Expo 2014 kórmesi aıasynda 7-8 maýsym kúnderi birinshi halyqaralyq ıslam sán úlgileri forýmy ótedi, dep habarlady IslamNews.ru.
«Islam stıli» festıvali podıýmyna arnalǵan toptama kórsetilimi alǵash ret tek qana dızaınerlik stýdııalardy ǵana emes, sonymen birge satyp alýshylarǵa qoljetimdi dinı kıim-keshekterdiń óndiristik brendterin de toptastyrady», - delingen forýmdy uıymdastyrý komıtetiniń habarlamasynda.
Forým halal ólshemderine sáıkes keletin kıim-keshek, aksessýarlar, kosmetıka jáne ıis sýlar satý jáne shyǵarý salasyndaǵy kompanııalardy alǵa jyljytý, sondaı-aq jańa jumys oryndaryn qurýǵa jáne bilikti mamandardyń jumysqa ornalasýyna járdemdesý úshin tuǵyrnama qalyptastyrýǵa baǵyttalǵan.
Forým aıasynda muslim fashion naryǵynyń qatysýshylary men sarapshylary onyń damý qarqyny men úrdisterine qatysty pikir almasatyn bolady.
