Máskeýde tólem termınalyn urlamaqqa árekettengen baýkespe sol jerde ajal qushty
ASTANA. QazAqparat - Sybaılasymen birge Máskeýdiń ońtústik-batysyndaǵy dúkennen tólem termınalyn kóterip áketýge tyrysqan tonaýshy ustalǵannan keıin qaıtys boldy, dep habarlady «Interfaksqa» dúısenbide RF ІІM Máskeý boıynsha MM baspasóz qyzmetinen.
Baspasóz qyzmeti habarlaǵandaı, saǵat 20:00 shamasynda Dmıtrıı Ýlıanov kóshesindegi azyq-túlik dúkenine belgisiz eki adam kirip kelip, tólem termınalyn alyp ketýge árekettengen. Olar termınaldy syrtqa shyǵaryp, kólik júksalǵyshyna tıemekshi bolyp jatqanda, artynan dúkendegiler júgirip shyqqan.
Bir baýkespeni dúken qyzmetkerleri qolǵa túsirse, ekinshisi boı tasalap úlgerdi.
Oqıǵa ornyna jetken polıtseılerge ustalǵan adam ózin jaısyz sezingenin aıtqan, polıtseıler jedel járdem shaqyrady. Jedel járdem kóliginde er adam kóz jumdy.
Óz kezeginde quqyq qorǵaý organdaryndaǵy derekkóz termınal urlaýshynyń nashaqor ekenin habarlaǵan.
