Máskeýde TMD úkimet basshylary qandaı máseleni talqylaıdy
«Otyrys barysynda úkimet basshylary dostastyq aıasyndaǵy saýda-ekonomıkalyq yntymaqtastyqtyń aǵymdaǵy jaǵdaıy men prespektıvalaryn talqylaıdy. Atap aıtqanda, 2011 jyly TMD-ǵa qatysýshy memleketter qol qoıǵan erkin saýda aımaǵy týraly shartty iske asyrý, sondaı-aq TMD elderi arasyndaǵy qyzmetterdiń erkin saýdasy týraly kelisim jobasyn kelisý barysy týraly pikir almasýy ótedi», - dedi QR Syrtqy ister mınıstrliginiń resmı ókili Aıbek Smadııarov vedomstvoda ótken brıfıngte.
Onyń sózine qaraǵada, otyrys aıasynda zattar men materıaldardyń quramy men qasıetteriniń standartty úlgilerin jasaý jáne qoldaný boıynsha yntymaqtastyqty, sondaı-aq quqyq qorǵaý salasyndaǵy ózara is-qımyldy tereńdetýdi kózdeıtin birqatar halyqaralyq sharttarǵa qol qoıý josparlanǵan.
«Іs-sharaǵa qatysýshylar TMD elderiniń qoǵamdy tsıfrlyq damytý salasyndaǵy yntymaqtastyq tujyrymdamasyn jáne ony iske asyrý jónindegi birinshi kezektegi sharalar josparyn bekitedi. Sonymen qatar, aqparattyq qaýipsizdikti qamtamasyz etý strategııasyna jáne 2025 jylǵa deıingi kezeńge qus tumaýy men Nıýkasl aýrýymen kúresý ári aldyn alý boıynsha TMD memleketteriniń birlesken is-qımyl keshenine qol qoıý josparlanýda», - dedi resmı ókil.
Budan bólek, 25 qazanda QR Úkimet basshysy Asqar Mamın Eýrazııalyq úkimetaralyq keńes otyrysynyń jumysyna qatysady. Osy jyly bul Eýrazııalyq ekonomıkalyq odaqqa múshe memleketter úkimet basshylarynyń tórtinshi kezdesýi bolady.
