Máskeýde TMD-ǵa múshe elderdiń qaýipsizdik qeńesteriniń hatshylary kezdesti

ASTANA. QazAqparat - Qazaqstan Respýblıkasy Prezıdentiniń kómekshisi - Qaýipsizdik Keńesiniń hatshysy Ǵabıt Baıjanov TMD-ǵa múshe elderdiń qaýipsizdik qeńesteri hatshylarynyń VI kezdesýine qatysty, dep habarlaıdy Aqordanyń baspasóz qyzmeti.

Іs-shara barysynda delegatsııalar basshylary TMD keńistigindegi turaqtylyq pen qaýipsizdikke tónip turǵan qazirgi qaýip-qaterler turǵysynan óńirlik ózara is-qımyldyń ózekti máselelerin talqylady. Atap aıtqanda, Aýǵanstandaǵy ahýal men Ortalyq Azııadaǵy memleketterdiń qaýipsizdigin qamtamsyz etý jónindegi sharalar, terrorızm men dinı ekstremızmdi qarjylandyrýdy boldyrmaý, sondaı-aq bıologııalyq qaýipsizdik salasyndaǵy ózara is-qımyl máseleleri qaraldy.

Qazaqstan men Reseı qaýipsizdik keńesteriniń apparattary deńgeıindegi kezekti eki jaqty konsýltatsııalar aıasynda Ǵ.Baıjanov reseılik áriptesi N.Patrýshevpen kelissóz ótkizdi.

Kezdesý barysynda taraptar qaýipsizdik salasyndaǵy eki jaqty qarym-qatynastardyń keń aýqymdy baǵyttary, sonyń ishinde halyqaralyq terrorızm men dinı ekstremızmge qarsy turý, azyq-túlik qaýipsizdigin qamtamasyz etý isindegi ózara yqpaldastyq máseleleri jóninde pikir almasty.