Máskeýde TMD elderiniń ókilderi ekonomıkalyq yntymaqtastyqty talqylaıdy
TMD-ǵa qatysýshy memleketterdiń vıtse-premerleri Erkin saýda aımaǵy týraly shart erejeleriniń oryndalýy men birqatar memleketaralyq baǵdarlamalardyń júzege asyrylýyn, sondaı-aq TMD-ǵa qatysýshy memleketterde 2020 jylǵy halyq sanaǵyna daıyndyq máselelerin talqylaıdy.
Otyrysta TMD Ekonomıkalyq keńesiniń músheleri Táýelsiz Memleketter Dostastyǵyna qatysýshy memleketterdiń ǵarysh keńistigin beıbit maqsatta zertteý jáne paıdalaný salasyndaǵy birlesken qyzmetin iske asyrý týraly kelisimniń, TMD-ǵa qatysýshy memleketer arasynda salyq ákimshiligin júzege asyrý úshin uıaly jyljymaly baılanys júıelerin paıdalaný jáne elektrondy aqparat almasý salasyndaǵy yntymaqtastyq týraly kelisimge ózgertýler engizý týraly hattamalardyń jobalaryn, sondaı-aq «Ýran óndirisiniń áseri tıetin memleketter aýmaǵyn rekýltıvatsııalaý» Memleketaralyq maqsatty baǵdarlamasynyń jańa redaktsııasyn qaraıdy.
Memleketaralyq keńesterdiń ǵylymı-tehnıkalyq jáne ınnovatsııalyq salalardaǵy yntymaqtastyq jónindegi, kórme-jármeńkeler jáne kongrestik qyzmet jónindegi esepteri tyńdalady.
Otyrysta TMD-ǵa qatysýshy memleketterdiń 2019 jyly «Soǵys ardagerleriniń - lokaldy qatyǵystar qatysýshylarynyń jáne olardyń otbasy músheleriniń ómir súrý sapasyn arttyrý jáne olarǵa medıtsınalyq-áleýmettik kómek kórsetýdi odan ári damytýdyń negizgi baǵyttaryn iske asyrý jónindegi sharalar josparyn» qarjylandyrýdaǵy úlestik jarnalary boıynsha kelisimge qol jetkizý máselesi tur.
Memleketterdiń ókilderi Halyq sharýashylyǵy jetistikteriniń kórmesi aýmaǵynda ulttyq saýda ortalyqtarynyń ashylýy men qyzmet júrgizýi jóninde pikir almasady.
Budan tys, birqatar qarjy jáne uıymdastyrý máselerin talqylaý, aqparattyq-taldaý jáne anyqtama materıaldarymen tanysý usynylyp otyr.
