Máskeýde tilsiz jaýmen arpalysqan segiz órt sóndirýshiniń múrdesi tabyldy
ASTANA. QazAqparat - Máskeýdiń shyǵysynda plastık buıymdar qoımasynda tilsiz jaýmen arpalysyp jatqan segiz órt sóndirýshiniń máıiti tabyldy.
Bul týraly TASS Reseı TJM baspasóz qyzmetine silteme jasap habarlady.
«Negizgi izdeý jumysy júrgen orynda segiz adamnyń múrdesi tabyldy», - dedi agenttikten.
«Sońǵy ýaqytqa deıin olar tiri degen úmit boldy. Laýlap janǵan órttiń qarqyndylyǵy, joǵary temperatýra, qoıý qara tútin órt sóndirýshilerdiń apat ornynan shyǵýyna múmkindik bermedi», - dep atap ótti TJM.
Qaza tapqan órt sóndirýshiler shatyrda kez kelgen sátte jarylyp ketýi múmkin gaz ballondary men kompressorlardy sýytý úshin qondyrǵy ornatyp jatqan bolatyn.
«Olar alǵashqy bolyp órt ornyna jetip, barlaý júrgizip, 100-den astam qyzmetkerdi qutqarǵan», - dep habarlady mınıstrlik ókili.
