Máskeýde tikushaq sýǵa qulady
ASTANA. QazAqparat - «Robbınson-44» jeńil tikushaǵy Máskeý ózenine qulady. Onyń ishinde birneshe adam bolǵan, dep habarlady VVS agenttigi.
Tikushaq Máskeýdiń soltústigindegi Mıakınıno aýdany mańynda ózenge qulaǵan. «Sýdan 4 adamdy shyǵaryp aldyq, onyń ishinde bir bala bar. Olar medıtsınalyq kómekten bas tartty», delingen RF TJM baspasóz qyzmeti taratqan aqparatta. Oqıǵa bolǵan jerge tergeýshiler baryp, bolǵan jaǵdaıdyń mán-jaıyn tolyq anyqtamaq. RF TJM habarlýynsha, ózenge jaǵarmaı tógilgen joq.
