Máskeýde terakti jasamaq bolǵan top qolǵa tústi
ASTANA. QazAqparat - Reseıdiń quqyq qorǵaý organdarynyń qyzmetkerleri Máskeýde teraktini júzege asyrmaq bolǵandardy qolǵa túsirdi, olardan qoldan jasalǵan jarylǵysh zat alynyp, zalalsyzdandyryldy.
Eldiń Ulttyq terrorızmge qarsy komıtetiniń aqparattyq ortalyǵynan habarlaǵandaı, qaýipsizdik organdarynyń jedel-izdestirý sharalarynyń nátıjesinde Máskeý qalasyndaǵy Batys ákimshilik okrýginiń Strelbışenskıı tuıyq kóshesindegi turǵyn úılerdiń birinen el astanasynda terrorıstik aktini iske asyrmaq bolǵan top ustalǵan.
Qaraqshylar jasyrynǵan páterden qoldan jasalǵan jarylǵysh zat tabylǵan. Atalmysh fakti boıynsha qajetti jedel sharalar men tergeý amaldary júrgizilýde, dep habarlaıdy RIA Novostı.
