Máskeýde tanystaryn 6-shy qabattan qulatyp óltirgen eki qyz ustaldy
ASTANA. QazAqparat - Máskeý qalasynda qurbylaryn 6-shy qabattan qulatyp jiberdi degen kúdikpen eki qyz tutqyndaldy, dep habarlady «RIA Novostı» agenttigi.
Eske sala keteıik, Máskeýde keshe qyzdar qurbylaryn 6-shy qabattan laqtyryp jibergeni týraly aqparat taraǵan. Qalalyq aýrýhanalardyń birine birneshe jerden súıegi synyp, aýyr halde qyz jetkizilgen. Tergeýshilerdiń aıtýy boıynsha, ol qurbylarymen birigip araq ishken. Osydan keıin aralarynda urys týyp, Slavıan býlvari kóshesindegi úıdiń altynshy qabatynan ony laqtyryp jibergen. Kináli qyzdar basynda sýıtsıd jasady dep aıtqan. «Sot oqıǵaǵa kináli Lıýbov Melnıkova men Valentına Gorshkovany 16 qyrúıekke deıin qamaýǵa alý týraly bultartpaý sharasyn taǵaıyndady», dedi Máskeýdiń Dorogomılov sotynyń baspasóz qyzmetinen.
