Máskeýde tanymal ǵalym óz-ózine qol jumsady
ASTANA. QazAqparat - Uıqy bezi obyrynan zardap shekken 65 jastaǵy ıadrolyq fızıka mamany, ǵalym Alekseı Kalagın Máskeýdiń soltústik-shyǵysynda ornalasqan páterinde óz-ózine qol saldy, dep habarlady RIA Novostı.
LifeNews saıty atap ótkendeı, er adam eki hat qaldyrǵan. Onda «dert saldarynan aýyrýǵa shydaı almaǵany» týraly aıtylǵan. Ekinshisinde bul jaǵdaıǵa eshkimdi kinálamaýyn suraǵan.
Ǵalymnyń áıeli Tatıana dárigerler tegin dárilerdi jazýdy sozbalańǵa salmaǵanda, Alekseı Kalagın óz ómirin qımas edi dep otyr.
«Saraptamalardy da aqyly túrde jasaýǵa májbúr boldyq. Tegin dárilerge qol jetkizýge baǵyttalǵan áreketterim nátıjesiz boldy», - degen ǵalymnyń jary.
Ol bastapqyda Alekseı Kalagın eýropalyq klınıkada emdelip, preparattardy satyp alyp otyrǵany týraly aıtty. 2015 jyly qańtar aıynda emdelý úshin Reseıge oralǵan ǵalym qajetti tegin preparattardy alýǵa ótinish bildirip úlgermedi. RF Tergeý komıtetiniń qyzmetkerleri sýıtsıd boıynsha tekseris júrgizip jatyr. Eger aq halattylardyń nemquraılylyq tanytqany anyqtalsa, medıtsınalyq mekeme qyzmetkerleriniń ústinen qylmystyq is qozǵalýy múmkin.
