Máskeýde taǵy da temperatýralyq rekord jańartyldy
MÁSKEÝ.KAZINFORM - Reseı astanasyndaǵy anomaldy ystyq 129 jyl burynǵy temperatýralyq rekordty taǵy da jańartty. Bir apta ishinde rekord eki ret jańartyldy, dep habarlaıdy agenttik tilshisi.
20 mamyrda Búkilreseılik kórme ortalyǵynda (VDNH) ornalasqan basty Máskeý meteostantsııasynyń termometr baǵandary + 30 gradýsqa deıin kóterildi. Osylaısha, jańa táýliktik temperatýralyq rekord ornatyldy.
Buǵan deıin Máskeýde eń jyly kún 1897 jyldyń 20 mamyrynda bolǵan edi, sol kúni temperatýra 29,7 gradýsqa deıin kóterilgen bolatyn.
Máskeýdiń kún-raıy shejiresi VDNH-da ornalasqan meteostantsııanyń kórsetkishteri boıynsha júrgiziledi.
Buǵan deıin 19 mamyrda Máskeýde temperatýralyq rejım rekord ornatqany týraly habarlanǵan bolatyn.
