Máskeýde tabylǵan ortaǵasyrlyq tostaǵandaǵy jazba parsy aqyny Shırazıdiń óleńderi bolyp shyqty
ASTANA. QazAqparat - Ǵalymdar Máskeýdegi qazba jumystary kezinde tabylǵan XVI ǵasyrǵa tıesili parsylyq qola tostaǵannyń bólshekterindegi óleń joldarynyń avtoryn anyqtady.
Ol XVI ǵasyrda ómir súrgen parsy aqyny Hafız Shırazıge tıesili bolyp shyqty, dep habarlandy seısenbi kúni Máskeý meri jáne úkimetiniń portalynda.
Óleń joldary arheologtar tapqan tostaǵannyń ústińgi jaǵynda ornalasqan jáne sándik órnekterdi eske salady.
Jazbany Shyǵys mýzeıiniń mamandary oqyp, orys tiline aýdardy.
Arheologtar kóne tostaǵannyń bólshekterin 2016 jyldyń jazynda «Moıa ýlıtsa» baǵlarlamasynyń aıasynda Bırja alańynda jasalǵan qazba jumystary kezinde tapqan.
Shırazı shyǵarmalary álem ádebıetinde tanymaldylyqqa ıe jáne kóptegen tilderge, solardyń qatarynda orys tiline aýdarylǵan jáne onyń ózi túrli parsy bıleýshileri tusynda saraı aqyny qyzmetin atqarǵan.
Tostaǵandy qalpyna keltirý jumystary jyl sońyna deıin jalǵasady, odan keıin «Moıa ýlıtsa» baǵdarlamasy aıasynda tabylǵan jádigerler qatarynda engiziledi.
