Máskeýde stýdentter jataqhanasynda tórt stýdentti pyshaqtap ketti
ASTANA. 21 qańtar. QazAqparat - Reseı astanasynyń jataqhanasynda Máskeý memlekettik veterınarlyq medıtsına jáne bıotehnologııa akademııasynyń tórt stýdenti pyshaq jaraqatyn aldy.
Máskeýdiń quqyq qorǵaý organdarynan habarlaǵandaı, keshe azamattardan Tashkent kóshesi 34-úı, 1-korpýs ǵımaratynda tórt jas jigitti pyshaqtap ketkeni týraly aqparat kelip túsken. Oqıǵa ornyna jetken mılıtsııa qyzmetkerleri akademııanyń jataqhanasynda denesinde pyshaq jaraqattary bar jáne travmatıkalyq qarý jaraqatyna uqsas zaqymdary bar tórt stýdentti tapty. Olardyń barlyǵy medıtsınalyq mekemege jetkizildi.
Zardap shekkenderdiń aıtýynsha, belgisiz eki azamat janjal kezinde olarǵa jaraqat salyp, izderin sýytqan. Atalmysh fakti boıynsha RF Qylmystyq kodeksiniń 111-baby 2-taraýy boıynsha qylmystyq is qozǵaldy
