Máskeýde stantsııa janyndaǵy jarylystan polıtsııa qyzmetkeri qaza tapty

ASTANA. KAZINFORM — Máskeýdegi Savelovskıı stantsııasy janynda bolǵan jarylys saldarynan bir polıtsııa qyzmetkeri qaza taýyp, taǵy bir qyzmetker jaralandy, dep habarlaıdy TASS.

— Búgin shamamen saǵat 00:05–te Savelovskıı stantsııasynda turǵan Máskeýdiń soltústik-shyǵys okrýginiń jol polıtsııasy qyzmetkerlerine beıtanys adam jaqyndaǵan. Sodan keıin belgisiz qurylǵy jaryldy, — dep habarlaıdy «MVD medıa».

Aldyn ala málimet boıynsha oqıǵa saldarynan bir jol polıtsııa qyzmetkeri kóz jumyp, al ekinshi qyzmetkerge medıtsınalyq kómek kórsetildi.

Vedomstvo zardap shekken qyzmetkerdiń aýrýhanaǵa jatqyzylǵanyn aıtty. Quqyq qorǵaý organdary aldymen qylmysker jarylys bolǵan jerden qashyp ketti degen tujyrymǵa keldi. Ony izdestirýge polıtsııanyń jáne basqa da kúshtik vedomstvolardyń keshendi toptary jumyldyrylyp, jedel-izdestirý is-sharalary iske asyryldy.

— Aldyn ala anyqtalǵandaı, shabýyl jasaǵan adam oqıǵa ornynda qaza tapty, — delingen habarlamada.

RF ІІM Máskeý qalasy boıynsha Bas basqarmasynyń baspasóz qyzmeti habarlaǵandaı, oqıǵa bolǵan jerdi aralap, baqylaý kamerasynyń jazbalaryn qarap shyqqan polıtsııa qyzmetkerleri qylmyskerdiń qaıtys bolǵanyn anyqtady.

Eske salaıyq, Qytaıda pırotehnıkalyq buıymdar dúkeninde jarylys bolyp, 12 adam kóz jumdy. Sondaı-aq Pákistan astanasyndaǵy meshitte bolǵan jarylystan 31 adam qaza tapty.